Ta̍k-ke hó, guá ê miâ-jī kiò-tsò Tân Tshiu-hōng. Guá tshut-sinn tī bîn- kok peh-tsa̍p-it nî, guá kin-nî tsa̍p-peh huè. Guá sī tsi̍t ê Lâm-tâu lâng, tsū sè hàn guá tō tī tsi̍t ê hó-suann-hó-tsuí ê tsng-kha sóo-tsāi tuā-hàn, it-ti̍t kau guá tāi-ha̍k ê sî-tsūn, guá tsiah lī-khui guá ê kòo-hiong, lâi kàu Tâi-tiong tshi thak tāi-ha̍k.
Guá ê ka-tîng lāi-té ū lak ê lang.Tû-liáu ū a-pah kah a-bú í-guā, guá koh-ū tsi̍t ê a-hiann kah tsi̍t ê a-tsé.Tī tshù lāi, guá sī pâi-hâng tē sann ê gín-a, mā tiō-sī siōng sè hàn ê tsi̍t ê gín-a. Guá it-ti̍t tsin huann-hí guá sī siōng sè hàn ê tsi̍t ê gín-a, in-uī ū tsin tse tāi-tsì nā-sī guá bē-hiáu, guá long ē-sái mn̄g guá ê a-tsé kah a-hiann. In-uī guá kah guá ê a-tsé kan-na tsha tsi̍t huè niā-niā, jî -tshiánn gún nn̄g ê lâng mā lóng sī tsa-bóo gín-á, sóo-í gún nn̄g ê tsí-muē-á-phuānn tsū sè hàn kám-tsîng tō it-ti̍t tsin hó.
Guá ê tshù lāi koh-ū tsi̍t ê guá tsin kah-ì ê lâng, i tō sī guá ê a-kong. Guá iáu-koh ē kì-tit sè-hàn ê sî-tsūn, a-kong kah a-má tuà tī kū tshù.Hit ê sî-tsūn, guá siōng ài tshá a-pah sái-tshia kàu a-kong hia tshit-thô,khì hia kah a-kong tshī ê káu-á sńg, guá ē kì-tit í-tsîng a-kong tiānn-tiānn kóng tshī káu-á ài ū ài-sim,mā ài ū tsik-jīm kám, it-tīng ài kā i tong- tsoh sī tshù lāi ê tsi̍t ê lâng. A-kong ê uē íng-hióng guá tsin-tsē, sóo-í guá tsit-má ē-tàng sǹg sī tsi̍t ê tsin ū tsik-jīm kám ê lâng.
Guá tī kū-nî ê sî-tsūn khó ji̍p Tâi-tiong kàu-io̍k tāi-ha̍k, tâi-uân gí-bûn ha̍k hē, khai-sí tī ha̍k-hāu o̍h tâi-gí. Kin-nî guá hi-bāng guá ē-tàng king-ka jīn-tsin ê tha̍k-tsheh, án-ne tsiah bē koo-hū guá ê a-pah kah a-bú tuì guá ê tsai-puê. Guá ê a-pah kah a-bú in long tiānn-tiānn kóo-lē guá ài jīn-tsin phah-piànn ê tha̍k-tsheh, in-uī án-ne í-āu guá tsiah ē-tàng sūn-lī pit-gia̍p, pit-gia̍p í-āu mā ē-tàng tsin kín tshuē tiō tsi̍t ê hó-ê thâu-lōo.
留言列表
